Sayt hazırlanması xidməti
Sayt hazırlanması — müştəri gətirən, sürətli və idarə olunan veb sayt
Saytı sadəcə gözəl dizayn kimi yox, satış aləti kimi hazırlayırıq: telefonda sürətli açılan, Google-un başa düşdüyü, reklamdan gələn adamı müraciətə aparan və admin paneldən özünüzün idarə etdiyiniz veb sayt.
- Fərdi dizayn
- Admin panel
- SEO bazası daxil
- Kod və domen sizin adınıza
Yaxşı veb sayt necə olmalıdır?
Sayt biznesin internetdəki ofisidir: reklamdan, Google axtarışından və Instagram-dan gələn insanların hamısı sonda bura düşür. Sayt yavaş açılırsa, telefonda rahat oxunmursa və ya nə təklif etdiyinizi ilk ekranda aydın demirsə, reklama xərclənən pul da, SEO-ya qoyulan əmək də itir.
Google saytları ilk növbədə telefon versiyasına görə qiymətləndirir. Google-un öz sözləri ilə: indeksləmə və sıralama üçün saytın mobil versiyası, smartfon robotu ilə oxunaraq istifadə olunur. Ona görə hər saytı əvvəlcə telefon üçün düşünürük, sonra kompüter üçün genişləndiririk.
Sürət də vacibdir. Google yazır ki, Core Web Vitals göstəriciləri onun sıralama sistemlərində istifadə olunur: səhifənin əsas hissəsi 2,5 saniyə ərzində yüklənməli, kliklərə cavab 200 millisaniyədən tez olmalı, səhifə açılarkən elementlər yerindən sürüşməməlidir. Saytlarımızı hazır ağır şablonlarla yox, sıfırdan yazırıq ki, bu göstəricilər təhvil günündən yaxşı olsun.
Sayt hazır olanda iş bitmir: insanların onu tapması üçün SEO, tez müraciət üçün isə reklam lazımdır. Hər saytı SEO bazası və analitika ilə təhvil veririk ki, sonrakı addımlar asan olsun.
SEO xidmətiSayt sifarişi kimlər üçün uyğundur?
Saytı olmayan bizneslər
Yalnız Instagram səhifəsi ilə işləyirsinizsə, Google-da görünmək, reklamı ölçmək və etibar qazanmaq üçün öz saytınız lazımdır.
Köhnə və yavaş saytı olanlar
Sayt telefonda pis açılırsa, dəyişmək çətindirsə və müraciət gətirmirsə, onu sürətli və idarə olunan sayta çeviririk.
Reklam verən bizneslər
Google Ads, Meta və ya TikTok reklamı üçün klikin düşəcəyi satış səhifəsi lazımdır. Yaxşı səhifə eyni büdcədən daha çox müraciət gətirir.
Kimə uyğun deyil
Bir neçə günə ən ucuz şablon sayt lazımdırsa, biz uyğun deyilik. Hər saytı sizin biznesə görə fərdi hazırlayırıq və bu, ən azı bir neçə həftə çəkir.
Sayt hazırlanması xidmətinə nə daxildir?
Strukturdan yayıma qədər bütün işi biz görürük. Sizdən biznes haqqında məlumat, şəkillər və dəqiq faktlar (qiymət, zəmanət, ünvan) lazımdır.
- 01
Struktur və səhifə xəritəsi
Hansı səhifələr olacaq, hər səhifədə nə yazılacaq və müştəri hansı yolla müraciətə gələcək.
- 02
Fərdi dizayn
Brendinizə uyğun dizayn, əvvəlcə maket kimi göstərilir və sizinlə təsdiqlənir.
- 03
Mobil versiya
Bütün səhifələr telefonda rahat oxunur və işləyir — Google da saytı telefon versiyasına görə qiymətləndirir.
- 04
Admin panel
Mətnləri, şəkilləri, xidmətləri, bloq yazılarını və müraciətləri özünüz idarə edirsiniz.
- 05
Çoxdilli quruluş
Lazım olarsa azərbaycan, rus və ingilis dillərində versiyalar.
- 06
SEO bazası
Başlıqlar, meta təsvirlər, sitemap, struktur data və sürət optimallaşdırması.
- 07
Analitika və reklam izləməsi
GA4, Google Tag Manager və piksellər təhvildən əvvəl qurulur və yoxlanılır.
- 08
Yayım və dəstək
Hosting, domen və SSL sizin adınıza qurulur, təhvildən sonra dəstək veririk.
Daxil deyil
- Hosting və domen xərci (sizin adınıza alınır)
- Peşəkar foto və video çəkiliş
- Tam kopiraytinq (ayrıca razılaşdırılır)
- Təhvildən sonra əlavə edilən yeni bölmələr
Hansı sayt növü sizə lazımdır?
Saytın növü məqsəddən asılıdır. Səhv seçim ya lazımsız xərc, ya da sonradan yenidən hazırlamaq deməkdir.
| Sayt növü | Kimə uyğundur | Nələr olur |
|---|---|---|
| Satış səhifəsi (landing) | Tək məhsul, tək xidmət və ya reklam kampaniyası | Bir uzun səhifə, müraciət forması, WhatsApp, izləmə |
| Korporativ sayt | Xidmət şirkətləri, klinikalar, istehsalçılar, agentliklər | Xidmət səhifələri, haqqımızda, bloq, admin panel, çoxdilli quruluş |
| Onlayn mağaza | Məhsulları saytda satan bizneslər | Kataloq, filtrlər, səbət, onlayn ödəniş, Merchant Center |
| Kataloq və elan saytı | Çoxlu məhsul, obyekt və ya elan göstərən bizneslər | Axtarış, filtrlər, istifadəçi hesabları, admin moderasiya |
| Fərdi platforma | Xüsusi iş qaydası olan layihələr | Rezervasiya, şəxsi kabinet, CRM ilə inteqrasiya |
Şübhə edirsinizsə, satış səhifəsi ilə başlamaq olar: tez hazırlanır və reklamla dərhal işləyir. Biznes böyüdükcə onu korporativ sayta genişləndiririk.
Sayt necə hazırlanır
- 11-ci həftə
Struktur və məzmun
Səhifə xəritəsi hazırlanır, mətn və şəkillər toplanır, satış mətnlərinin ilk variantı yazılır.
- 22-ci həftə
Dizayn
Maket hazırlanır və sizinlə təsdiqlənir. Düzəlişlər bu mərhələdə edilir.
- 33-cü həftə
Proqramlaşdırma
Səhifələr, admin panel, formalar və dil versiyaları qurulur.
- 44-cü həftə
Test və yayım
Sürət, mobil görünüş, formalar və izləmə yoxlanılır, sayt sizin domeninizdə yayımlanır.
Sayt hazırlanmasının qiyməti nədən asılıdır?
Satış səhifəsi
Tək məhsul və ya xidmət üçün bir səhifəlik sayt. Reklamla birlikdə işləmək üçün ən sürətli variant.
Təxminən 2 həftə
Korporativ sayt
Xidmət səhifələri, bloq, admin panel və çoxdilli quruluş. SEO üçün əsas format.
Təxminən 3–4 həftə
Onlayn mağaza
Kataloq, filtrlər, səbət, onlayn ödəniş və Google Merchant Center bağlantısı.
5 həftə və daha çox
Qiymətə nə təsir edir
- Səhifə sayı və sayt növü
- Dil sayı: azərbaycan, rus, ingilis
- İnteqrasiyalar: onlayn ödəniş, CRM, çatdırılma
- Mətnlərin və şəkillərin kim tərəfindən hazırlanması
Ödəniş birdəfəlikdir. Hosting və domen sizin adınıza alınır, illik xərci ayrıca ödənilir. Dəqiq qiyməti yazılı təklifdə göndəririk.
Hazırladığımız saytlar
Bütün işlər
Tez-tez verilən suallar
Sayt hazırlanması neçəyə başa gəlir?
Sayt növündən, səhifə sayından, dil sayından və inteqrasiyalardan (onlayn ödəniş, CRM və s.) asılıdır. Satış səhifəsi ən sərfəli variantdır, onlayn mağaza isə ən böyük işdir. Dəqiq məbləği tapşırığı öyrəndikdən sonra yazılı göndəririk.
Sayt neçə günə hazır olur?
Satış səhifəsi təxminən 2 həftəyə, korporativ sayt 3–4 həftəyə, onlayn mağaza 5 həftə və daha çox müddətə hazırlanır. Müddət mətn və şəkillərin vaxtında verilməsindən də asılıdır.
WordPress, yoxsa sıfırdan?
Saytlarımızı ağır hazır şablonlarla yox, sıfırdan yazırıq: belə sayt daha sürətli olur, lazımsız kod və plagin daşımır, təhlükəsizlik problemləri azalır. İdarəetmə üçün sizə sadə admin panel veririk.
Sonradan özüm dəyişiklik edə biləcəyəm?
Bəli. Admin paneldən mətnləri, şəkilləri, xidmətləri, bloq yazılarını və müraciətləri özünüz idarə edirsiniz. Təhvil zamanı paneldən istifadəni izah edirik.
Mətnləri kim yazır?
Struktur və satış mətnlərinin ilk variantını biz hazırlayırıq. Dəqiq faktlar (qiymət, zəmanət, texniki xüsusiyyətlər) sizdən gəlir. Tam kopiraytinq lazımdırsa, ayrıca razılaşdırılır.
Hosting və domeni siz alırsınız?
Xeyr, onlar sizin adınıza alınmalıdır ki, sonradan asılılıq yaranmasın. Hansını seçəcəyinizi göstəririk, quraşdırmanı biz edirik. Saytın kodu da sizə verilir.
Sayt Google-da özü çıxacaq?
Sayt texniki cəhətdən Google üçün hazır təhvil verilir: sitemap, başlıqlar, sürət, struktur data. Amma rəqabətli sorğularda yuxarı çıxmaq üçün davamlı SEO işi lazımdır. Bunu ayrıca xidmət kimi təklif edirik.
Çox vaxt birlikdə götürülür
Bütün xidmətlər
- Texniki SEO
- Kontent
- Linklər
SEO xidməti
Texniki audit, açar söz xəritəsi və kontent planı — reklam dayananda da işləyir.
Ətraflı
- Axtarış
- Shopping
- PMax
Google Ads
Axtarış, Shopping, Performance Max və YouTube kampaniyaları.
Ətraflı
- GA4
- GTM
- CAPI
Analitika və tracking
GA4, GTM və server tərəfli izləmə. Hesabat bir səhifədə yığılır.
Ətraflı
Sayt hazırlanması sizə uyğundurmu? Birlikdə baxaq.
Tələbinizi yazın. Hesablarınıza və saytınıza baxıb 5 iş günü ərzində yazılı təklif göndərək. Audit pulsuzdur.