Reklam xidməti
TikTok Ads xidməti — TikTok reklamları ilə satış
TikTok reklamlarını baxış üçün yox, satış üçün qururuq: biznes və reklam hesabını açırıq, TikTok Pixel-i saytınıza bağlayırıq, satış ehtimalı yüksək auditoriyanı tapırıq və konversiya məqsədli kampaniyalar işə salırıq.
- Hesablar sizin adınıza
- Pixel qurulumu daxil
- Satış məqsədli kampaniyalar
- Aylıq kontent ideyaları
TikTok Ads nədir və necə işləyir?
TikTok Ads — TikTok-un reklam platformasıdır, reklamlar TikTok Ads Manager kabinetindən idarə olunur. Reklamınız istifadəçilərin lentində adi videoların arasında göstərilir. Ona görə TikTok reklamı reklam kimi yox, platformanın öz videosu kimi görünəndə daha yaxşı işləyir.
Hər kampaniyanın bir məqsədi olur. TikTok məqsədləri üç qrupa bölür: tanınma (Reach), maraq (Traffic, video baxışları, icma ilə əlaqə) və konversiya (Lead generation, Sales). Sistem reklamı seçilən məqsədə uyğun insanlara göstərir: baxış istəsəniz baxış, satış istəsəniz satış ehtimalı yüksək olan insanları axtarır.
Satış məqsədli kampaniya üçün TikTok saytınızda nə baş verdiyini bilməlidir. Bunu TikTok Pixel və Events API edir: kimin məhsulu səbətə atdığını, kimin alış etdiyini reklam sisteminə ötürür. Pixel olmadan sistem satışı görmür və reklamı yalnız kliklərə görə optimallaşdırır.
Video çəkmirik. Platformanın dilinə uyğun aylıq kontent ideyaları veririk, videoları siz və ya komandanız çəkir, biz onları satış reklamına çeviririk. Hazır reklam kreativi lazımdırsa, ayrıca xidmətimizə baxın.
Kreativ və kontentTikTok reklamları kimlər üçün uyğundur?
Onlayn satış edənlər
Saytda və ya onlayn mağazada satış varsa, TikTok trafiki Pixel vasitəsilə birbaşa satışa bağlanır və hər satışın hansı reklamdan gəldiyi görünür.
Vizual məhsulu olanlar
Geyim, kosmetika, aksesuar, yemək, ev əşyaları. Qısa videoda göstərilə bilən məhsul TikTok-da daha asan satılır.
Telefonla video çəkə bilənlər
Studiya çəkilişi şərt deyil. Telefonla çəkilmiş sadə, səmimi videolar TikTok-da çox vaxt daha yaxşı işləyir.
Kimə uyğun deyil
TikTok reklamı videosuz işləmir. Heç bir video çəkmək imkanınız yoxdursa, başlanğıc üçün Google Ads və ya Meta reklamı daha uyğundur.
TikTok Ads xidmətinə nə daxildir?
Hesabların açılmasından satış reklamlarına qədər texniki və reklam işinin hamısını biz görürük.
- 01
TikTok biznes hesabının qurulması
Profil, bio və kateqoriya tənzimləmələri.
- 02
TikTok Ads hesabının qurulması
Reklam kabinetinin açılması və ödəniş qurulumu.
- 03
Kontent ideyalarının verilməsi
Platformanın dilinə uyğun aylıq video ideyaları.
- 04
Reklamların qurulması
Kampaniya strukturu və reklam qruplarının yaradılması.
- 05
Satış üçün hədəf kütlə
Maraq, davranış və oxşar auditoriyaların yaradılması.
- 06
Satış reklamlarının verilməsi
Baxış yox, konversiya məqsədli kampaniyalar.
- 07
TikTok Pixel quraşdırılması
Sayt hadisələrinin (səbət, alış, müraciət) düzgün ölçülməsi.
- 08
Vebsayt satışlarının artırılması
TikTok-dan gələn trafikin satışa çevrilməsi.
Daxil deyil
- Video çəkilişi və montaj
- Reklam büdcəsi (birbaşa TikTok-a ödənilir)
- Sayt hazırlanması (ayrıca xidmətdir)
- Şərhlərə və mesajlara cavab
TikTok reklam məqsədləri: hansını seçirik?
Məqsəd kampaniyanın ən vacib ayarıdır: TikTok reklamı kimə göstərəcəyini ona görə seçir.
| Məqsəd | Nə üçündür | Biz nə vaxt seçirik |
|---|---|---|
| Reach | Reklamı mümkün qədər çox insana göstərmək | Yeni brendin və ya kampaniyanın elan edilməsi |
| Traffic | İnsanları sayta və ya tətbiqə göndərmək | Pixel təzə qurulub və satış datası hələ azdır |
| Lead generation | TikTok-un içində formadan müraciət toplamaq | Xidmət biznesləri: kurs, klinika, təmir |
| Sales | Saytda, tətbiqdə və ya TikTok Shop-da satış | Pixel qurulub və alış hadisəsi ölçülür |
Əsas hədəfimiz Sales məqsədidir, çünki pul satışa görə optimallaşdırılır. Pixel təzə qurulanda sistemin öyrənməsi üçün əvvəlcə data toplamaq lazım ola bilər.
Necə işləyirik
- 11-ci həftə
Hesablar və Pixel
Biznes hesabı və reklam kabineti açılır, ödəniş qurulur. Pixel sayta bağlanır və alış hadisəsi yoxlanılır.
- 21-ci həftə
Auditoriya və ideyalar
Hədəf kütlə müəyyən edilir, ilk ayın video ideyaları sizə verilir.
- 32-ci həftə
Kampaniyaların başlaması
Çəkdiyiniz videolar reklam kimi qurulur, satış məqsədli kampaniyalar işə düşür.
- 4Davamlı
Optimizasiya
Hansı videonun və auditoriyanın satış gətirdiyinə baxırıq. Zəifləri dayandırıb büdcəni yaxşı işləyənlərə yönəldirik, növbəti ayın ideyalarını buna görə veririk.
TikTok reklamının qiyməti nədən asılıdır?
Reklam büdcəsi
Birbaşa sizin kartınızdan TikTok-a ödənilir. TikTok-un qaydasına görə günlük büdcə kampaniya səviyyəsində 50 $-dan, reklam qrupu səviyyəsində 20 $-dan çox olmalıdır. Satış kampaniyasında sistemin öyrənməsi üçün daha yüksək büdcə tövsiyə olunur.
Kampaniya > 50 $/gün · Reklam qrupu > 20 $/gün
Xidmət haqqı
Bizim işimizin haqqıdır və reklam büdcəsindən ayrıdır. Kampaniyaların sayından və işin həcmindən asılıdır. Dəqiq məbləği pulsuz auditdən sonra yazılı göndəririk.
Nəticəyə ən çox nə təsir edir
- Videonun ilk saniyələri: izləyici dayanırmı
- Pixel-in düzgün qurulması və alışın ölçülməsi
- Sayt və məhsul səhifəsinin sürəti və rahatlığı
- Büdcənin sistemin öyrənməsi üçün kifayət etməsi
TikTok reklamı üzrə işlərimiz
Bütün işlər
Tez-tez verilən suallar
Video çəkirsiniz?
Xeyr. Aylıq kontent ideyaları veririk: nə çəkmək, necə başlamaq, hansı formatda. Videoları siz və ya komandanız çəkir, biz onları reklam kimi qurub idarə edirik.
TikTok reklamı üçün minimum büdcə nə qədərdir?
TikTok-un öz qaydasına görə günlük büdcə kampaniya üçün 50 $-dan, reklam qrupu üçün 20 $-dan çox olmalıdır. Bu, texniki minimumdur. Satış kampaniyası üçün real büdcəni auditdə məhsulunuza görə hesablayırıq.
TikTok Pixel nədir və mütləqdirmi?
Pixel saytınıza qoyulan koddur və saytda baş verənləri (səbətə atma, alış, müraciət) TikTok-a ötürür. Satış məqsədli kampaniya üçün mütləqdir: sistem kimin aldığını görmədən satışa görə optimallaşdıra bilmir.
Saytım yoxdur, TikTok reklamı vermək olar?
Olar. Lead generation məqsədi ilə müraciətləri TikTok-un içindəki forma ilə toplamaq mümkündür. Amma onlayn satış üçün sayt və Pixel lazımdır.
Hesablar kimin adına olur?
Sizin. Biznes hesabı və reklam kabineti sizin adınıza açılır, ödəniş birbaşa sizin kartınızdan gedir. Əməkdaşlıq bitəndə hesablar və bütün data sizdə qalır.
TikTok, yoxsa Meta reklamı?
Videonuz varsa və məhsulunuz vizualdırsa, TikTok sınamağa dəyər. Video yoxdursa, Meta-da şəkil və karusel reklamları ilə başlamaq daha asandır. Çox vaxt ikisi birlikdə yaxşı işləyir.
Çox vaxt birlikdə götürülür
Bütün xidmətlər
- Remarketinq
Meta Ads
Kampaniya strukturu, auditoriya qatları və hər kreativin nəticəsini göstərən ölçmə.
Ətraflı
- UGC
- Kopiraytinq
- Motion
Kreativ və kontent
Reklam üçün banner, karusel, video montajı və mətnlər. Hansı variantın işlədiyini testlə tapırıq.
Ətraflı
- GA4
- GTM
- CAPI
Analitika və tracking
GA4, GTM və server tərəfli izləmə. Hesabat bir səhifədə yığılır.
Ətraflı
TikTok Ads sizə uyğundurmu? Birlikdə baxaq.
Tələbinizi yazın. Hesablarınıza və saytınıza baxıb 5 iş günü ərzində yazılı təklif göndərək. Audit pulsuzdur.